4 abr 2014

DOCUMENTO DE AVALIACIÓN DA SITUACIÓN INTERNA DE ANOVA – IRMANDADE NACIONALISTA


A Coordinadora Comarcal de ANOVA – Irmandade Nacionalista no Salnés acordou convocar unha Asemblea comarcal urxente para avaliar a situación interna de ANOVA, así coma o proceso de escolla de candidatas e candidatos para integrar na candidatura de Izquierda Unida ao Parlamento Europeo.

A Asemblea tivo lugar o venres 28 de marzo en Sisán – Ribadumia, e por parte de varios membros redactouse esta proposta, que foi aprobada por unaminidade das e dos presentes, coas resolucións que se expresan ao final da mesma, e co mandato de remitila a toda a militancia así como aos órganos de dirección colexiada da organización.

DOCUMENTO DE AVALIACIÓN DA SITUACIÓN INTERNA DE
ANOVA – IRMANDADE NACIONALISTA

Para comprender as resolucións que se propoñen convén lembrar e aclarar:

ALGÚNS DOS PRINCIPIOS FUNDACIONAIS DE ANOVA APROBADOS NA ASEMBLEA CONSTITUÍNTE:

3 abr 2014

O R Z A M E N T O S 2 0 1 4

“O PP sigue a malgastar os cartos de todos, sen atender ás prioridades da veciñanza de Ribadumia” (preme na foto)

9 mar 2014

Enrique Oubiña acusa o PP de facer demagoxia a conta dos gastos municipais.

Dende o grupo do concelleiro non adscrito congratulámonos de que por fin o PP admita a súa incapacidade para xestionar   a economía municipal.
   Dúas semanas despois de que o PP de Ribadumia se negase a exercer medidas de control do gasto corrente do concello e a aceptar as propostas do concelleiro Enrique Oubiña para precisamente controlar ese gasto, que supón mais da metade do orzamento de todo o ano, vimos de comprobar polos medios de prensa como o PP, usando unha vez mais a deputación como pantalla, admite precisamente esa necesidade de controlar o gasto corrente.
   Dende o grupo do concelleiro non temos nada claro que o programa firmado coa deputación, que non deixa de ser unha auditoría corrente, pero con aires tecnolóxicos e caros, vaia a servir para  nada mais que gastar  cartos. Pero cando menos congratulámonos de que o PP admita por fin a súa incompetencia e ineptitude para o goberno,  que non ten nin idea de como gasta os cartos de todos os veciños  e  pida axuda, inda que a formula non nos convenza. Pola nosa banda estamos seguros de que se o PP local escoitara as propostas de Enrique Oubiña, entre as que estaban:
-       A eliminación do convenio coa empresa que leva o mantemento do alumeado, que lle custa a este concello 25.000€ anuais, realizando unhas labouras que poden perfectamente realizar o persoal municipal, adecuando as partidas orzamentarias de mantemento as necesidades reais do concello.
-       Eliminar a base do Orzamento que autoriza a alcaldía a contratar todas as partidas do orzamento (propoñendo ademais que os gastos superiores a 6.000 euros vaian a Pleno).

-           Un control exaustivo do gasto eléctrico, para o que este ano hai previstos case 100.000€ mais que o ano pasado, a barbaridade de 279.695€, tomando as medidas necesarias para reducir a descomunal factura.
-          Actuar con mais responsabilidade con certas partidas, creando antes dos orzamentos uns plans de traballo e inversión para o ano económico, en areas como xardinería ou obras menores, e tamén un plan de mantemento das instalacións municipais, dotando das cantidades precisas e controladas a través dun orzamento clarificado, evitando no posible os gastos superfluos e incontrolados, culpables do enorme descontrol dos gastos correntes.
-          Recuperar outros servizos públicos, como a gardería municipal, a asistencia  ou o lixo, para que o concello reciba  os ingresos por beneficios  que agora se levan empresas privadas ou a Deputación de Pontevedra, podendo ademais mellorar o servizo e ofrecer mellores descontos a usuarios.   

non seria necesario gastar cartos que veñan de onde veñan son de todos nos en dicirlle a Salomé o que a estas alturas xa debería saber, pois inda que se negue a velo esta farta de escoitarllo dicir o concelleiro non adscrito, que é que o concello precisa un plan de control nos gastos correntes, planificando os orzamentos con rigor, priorizando as necesidades dos veciños por riba das obras ocas, de chans de madeira en igrexas ou campos de futbol innecesarios.

1 mar 2014

Enrique Oubiña acusa o PP de Ribadumia de pasar o rodilllo e aprobar uns orzamentos que non solucionan problema ningún.


   No pleno do pasado mércores debatéronse os orzamentos para este ano 2014. O Partido Popular, levou unha proposta que un ano mais insiste no gasto corrente sen control, e non fai aposta ningunha nin por buscar solucións os problemas dos nosos veciños nin por loitar contra o paro, nin sequera por aforrar ou mellorar a xestión económica do concello.

   Dende o grupo de Enrique Oubiña presentaronse nas dúas comisións previas unha batería de propostas e medidas destinadas precisamente a iso, entre as que destacaban a creación dunhas becas de estudos para evitar que ningún xoven do noso concello quedara sen poder prepararse para o seu futuro por unha cuestión económica, e unhas partidas destinadas a establecer liñas de axuda os pequenos empresarios, tanto os que quixeran establecerse, como os xa establecidos.

  O Partido Popular, facendo gala dunha enorme demagoxia e falta de vontade política e de sentido común, ignorou e desprezou sistematicamente, e de malas maneiras por añadidura,  todas as propostas de Enrique Oubiña, e centrouse en buscar escusas absurdas para non incluír ningunha destas propostas, como pretender que a oposición se ocupase de decidir de onde sacar cartos para as partidas propostas, cando o señor Oubiña lles demostrou coas contas de anos anteriores na man, e a pesares da negativa do PP o longo do ano de proporcionar a información que se lle requiriu,  que o PP tiña partidas de sobra de onde  sacar cartos, pois cada ano queda medio millón de euros sen gastar onde corresponde, e cando propuxo ademais, para evitarlle o PP o drama de ter que traballar un pouco e refacer os orzamentos, que se usase para as súas propostas o remanente do ano anterior.

En verbas de Enrique Oubiña, “que o PP, logo de acceder a estudar as nosas ideas, e dar algo de tempo para replantexalas, viñera e nos dixera que nin sequera mirara as nosas propostas, resultou certamente molesto, pero non tanto como ver que toda esa fachada de vontade por chegar a acordos se caia e agromaba a realidade do PP, que é que en realidade o que quere dos nosos veciños e velos axeonllados na porta do concello, para poder encherse o peito dándolle esmolas”.


   Ribadumia puido por unha vez vivir unha situación extraordinaria e dar exemplo  ó resto de concellos da comarca e mesmo galegos, pois a postura do grupo de Enrique Oubiña foi totalmente dialogante, lonxe das posturas tradicionais e, e buscaba un cambio na xestión dos orzamentos que ia mais alo do reparto de partidas, e afondaba no xeito de levarse un concello, facendo participes a todos os grupos. Por desgraza, o PP  solo busca asoballar.


Deixamosvos o  escrito presentado finalmente o pasado luns, con todas as nosas propostas, que o pp desprezou sistematicamente:

José Enrique Oubiña Lago, como Concelleiro non adscrito da corporación municipal, o abeiro do debate creado en torno a elaboración dos orzamentos para este ano 2014, e vista a disposición do PP local a, cando menos, falar de propostas e alternativas coa oposición, e logo do aplazamento acordado na comisión informativa do pasado xoves dia 20 de Febreiro, para reflexionar e estudar as diferentes propostas, presenta a seguinte serie de propostas orzamentarias, que clarifican as presentadas na pasada comisión,  para que o equipo de goberno as considere:

   Antes de nada queremos aclarar que dende o grupo do concelleiro non adscrito entendemos que a responsabilidade última de mudar, eliminar ou crear partidas orzamentarias pertence o Partido Popular, partido que o conxunto da cidadanía de Ribadumia decidiu escoller para que levara adiante o goberno do noso concello e para o cal dispón de todas as ferramentas democráticas e administrativas, e dende a nosa postura como grupo de oposición somentes podemos aportar os nosos puntos de vista, eivados moitas veces pola falta de información concreta,  opinións e propostas sobre cales son as partidas ou políticas e accións de goberno que consideramos necesarias, pero non podemos saber nin nomear con exactitude cales das partidas orzamentarias propostas polo equipo de goberno son imprescindibles para o correcto funcionamento do concello. Consideramos ademais, e polos mesmos motivos, e sen entrar a valorar a idoneidade ou non das inversións plantexadas para este ano 2014,  que non estamos capacitados para decidir se as  partidas plantexadas para esas inversións son adecuadas, excesivas ou insuficientes para a realización dos proxectos propostos.

    Por iso, a nosa primeira proposta é a seguinte:

-       Que o grupo de goberno, tendo en conta o histórico contable do concello de Ribadumia, onde:
- no ano 2010 quedaron sen gastar 744.766,53€ dun orzamento inicial de 2.821.892,00€, 
- no ano 2011 quedaron sen gastar 416.920,82€ dun orzamento inicial de 2.653.790,50€, 
- e que no 2012 quedaron sen gastar 451.242,43 dun orzamento inicial de 2.545.222,00, 
      revise as partidas orzamentarias e , atendendo a responsabilidade que lle corresponde como equipo de goberno, decida cales de todas as partidas propostas se poden reducir, ou se mesmo eliminar, para dar cabida as propostas que nos faremos a continuación.  Así mesmo, se o equipo de goberno considerase que esa responsabilidade debe ser compartida co resto de grupos da oposición, estamos a súa disposición para, dun xeito sosegado, sentarnos coas diferentes propostas, e realizar o estudo orzamentario necesario, analizando cada partida polo miúdo e con todos os datos necesarios,  para poder achar formulas de aforro e de adecuación orzamentaria, e dar cabida así a todas as propostas que puidera haber.



   Logo disto, nos entendemos que a proposta orzamentaria do PP adoece de varias faltas que consideramos necesarias incluír. Tamén entendemos que se fai necesario, en vista da situación xeral do país, adecuar as políticas municipais as necesidades dos nosos veciños e veciñas, e cambiar sustancialmente o xeito de elaborar os orzamentos, aumentando o dialogo entre os diferentes grupos políticos con representación, e mesmo cos diferentes entes que cohabitan no concello, dende as asociacións de comerciantes ata entidades deportivas, culturais e sociais, e incluíndo finalmente partidas onde se aposte claramente pola loita contra o paro e pola defensa da dignidade das persoas. Por ese motivo, logo do debate da semana pasada,  onde as diferentes posturas sobre cara onde debía camiñar a realización dos orzamentos quedaron claras, o grupo do concelleiro non adscrito decidimos revisar e clarificar as nosas propostas, tendo en conta o aportado polo equipo de goberno,  e plantexalas aquí.  E son as seguintes:


-       - Crear unha partida e denominala “cobertura de necesidades e axuda a reinserción socio – laboral”, que dea contido económico a creación dun grupo de traballo , que mesmamente pode ser o conformado pola comisión de asuntos sociais onde xa estan representados todos os grupos políticos,  xunta a oficina de servizos  sociais do concello, e sumando a colectivos que traballen na axuda a persoas, que asuma a xestión dos fondos orzamentados para axuda social, e traballen nun plan que teña como obxectivo non solo axudar as familias deste concello que están atravesando un momento critico, se non tamén establecer ferramentas que permitan axudar a esas familias e persoas a levar unha vida digna e lonxe da caridade a pesares da súa situación.

-   - A creación dunha partida orzamentaria denominada “axuda económica ós estudos”, destinada a  persoas con poucos recursos, que sexa unha bolsa  regulada e adxudicada baixo uns criterios claros, de xeito que calquera veciño de Ribadumia, sexa cal sexa a súa situación económica, teña garantida a posibilidade de realizar o curso escolar, pagar matriculas e taxas universitarias, e facer fronte a compra do material esixido para poder sacar adiante os seus estudos

-     A creación dunha partida coa denominación “acción no agro”,  destinada a creación dun grupo de traballo local, con expertos en asuntos do campo e incluíndo a sectores agrarios e sindicatos, coa misión de proporcionar impulso, a través da formación, da información e do   apoio institucional, as diferentes saídas profesionais que poida proporcionar o noso agro,  poñendo especial fincapé no impulso e apoio  da creación de entidades cooperativas, que permitan coa solidariedade laboral e unha correcta organización empresarial, a realización de proxectos cooperativistas de explotación ou servizos agrícolas.

-       Creación dunha partida especifica destinada a recuperar os terreos do polígono da Grenla que non se están utilizando, moi necesarios como primeiro paso para que as empresas poidan acceder a chan industrial no noso concello.


-       a creación dunha partida especifica para dar a poio a creación dun consorcio empresarial local, que reúna a concello, con todos os grupos políticos representados, os sindicatos e as empresas que existen no noso concello, e impulse políticas e accións comúns, que poidan favorecer a recuperación económica e a mellora polo tanto das cifras de contratación. E tamén impulsar dende ese consorcio a atracción o noso concello de empresas de novos sectores. En resumo, contribuír dende este concello a reconstrución do tecido empresarial, case desaparecido da nosa comarca.

-       Unha partida especifica que sirva para  apoiar as novas empresas no seu asentamento no noso concello e as pemes existentes a levar a mala situación económica actual. Dentro disto, unha partida especial para o apoio, mais forte se cabe,  a xovenes empresarios que queiran iniciar a súa aventura empresarial no noso concello. Revisar o mesmo tempo os mecanismos para a creación e apertura de novos pequenos negocios, axilizando os tramites das licencias e promovendo a súa apertura con descontos nas licencias ou execcións temporais dalgúns impostos, como o lixo ou a auga. Que estas axudas ou exencións  sexan extensivas a pemes do concello que manteñan ou creen emprego e a aquelas que demostren unha importante baixada de ingresos e polo tanto precisen, en función dunhas bases que deberan ser determinadas,  de certo apoio institucional.

-       A eliminación do convenio coa empresa que leva o mantemento do alumeado, que lle custa a este concello 25.000€ anuais, realizando unhas labouras que poden perfectamente realizar o persoal municipal, adecuando as partidas orzamentarias de mantemento as necesidades reais do concello..

  Ademais de todos isto, propoñemos o grupo de goberno e o resto de oposición as seguintes medidas, paralelas o orzamento, e con vistas a facilitar a xestión económica do concello e que para o próximo ano se poidan adecuar moito mellor as propostas orzamentarias coa realidade que vivimos en Ribadumia:

-       Eliminar a base do Orzamento que autoriza a alcaldía a contratar todas as partidas do orzamento (os gastos superiores a 6.000 euros deben ir ao Pleno).

-       Compromiso de participación da oposición nos Grupos de Traballo que se Constitúan.

-       Compromiso de que o remanente económico que haxa do 2013 pase a engrosar estas partidas e non se use para comprar terreos ou outros investimentos menores.

-       Un control exaustivo do gasto eléctrico, para o que este ano hai previstos case 100.000€ mais que o ano pasado, a barbaridade de 279.695€, tomando as medidas necesarias para reducir a descomunal factura.


-       Actuar con mais responsabilidade con certas partidas, creando antes dos orzamentos uns plans de traballo e inversión para o ano económico, en areas como xardinería ou obras menores, e tamén un plan de mantemento das instalacións municipais, dotando das cantidades precisas pero controladamente a través dun orzamento clarificado, evitando no posible os gastos superfluos e incontrolados, culpables do enorme descontrol dos gastos correntes.

-       Recuperar outros servizos públicos, como a gardería municipal, a asistencia  ou o lixo, para que o concello reciba  os ingresos por beneficios  que agora se levan empresas privadas ou a Deputación de Pontevedra, podendo ademais mellorar o servizo e ofrecer mellores descontos a usuarios.   

Dende o noso grupo agardamos que o PP local, teña en conta as nosas propostas, as estude con calma, e mostre unha disposición o dialogo  que nos permita chegar a un acordo para que os orzamentos deste anos sexan o mais axustados posibles a realidade do nosos concello e se poidan levar a cabo accións reais que axuden a loitar contra situación na que o noso país se atopa.

José Enrique Oubiña Lago, concelleiro non adscrito.
Ribadumia, a dia 24 de Febreiro de 2014.

                                       

20 feb 2014

Orzamentos 2014. II: as nosas propostas; loitar contra o paro e a pobreza

Dende o noso punto de vista na situación actual do país, coa maioría da cidadanía vivindo situacións complicadas, os concellos non están  para asfaltar, facer plazas bonitas e construír edificios valeiros de contido, salvo cando esas obras sexan imprescindibles, se non que  deben ser a primeira entidade pública en realizar os cambios precisos para que as persoas non se vexan abocadas a situacións de indignidade persoal, vivindo da caridade, ou sen poder acender un radiador ou quentar un prato de comida por non poder pagar o recibo da luz.

En Ribadumia, o saldo contable do ano 2012,  pesares do medio millon sobrante das distintas partidas orzamentadas, foi de 160.000€ negativos, ou sexa, que por pirmeira vez en moito tempo, o concello de Ribadumia gastou moito mais do previsto. 

Ademais disto, o orzamento que o PP propon para este ano non parece en ningún xeito querer rectificar esa tendencia a gastar sen control, cunha serie de partidas cando menos confusas cando non escandalosas ( a previsión para gastos da luz de case 300.000€, un exemplo claro) o cal poderia levarnos a unha situación moi complicada, por non falar da preocupante e lamentable falta de iniciativas para solventar os problemas da cidadania. 

Debemos admitir que as contas do 2013, pendentes ainda de publicarse, teñennos preocupados.

   Por ese motivo, e co ánimo de axudar que a planificación dos orzamentos mellore, e poidamos avanzar na construción do noso concello dun xeito controlado e na axuda as familias que están pasando momentos difíciles, acordamos plantexarlle o equipo de goberno unhas propostas que cremos que deberían incluírse na elaboración dos orzamentos deste ano 2014 .

  Por iso propoñemos ó equipo de goberno un xiro radical nas políticas sociais do concello, que busquen alonxar os nosos veciños de situacións de caridade, e camiñe cara a defensa do dereito das persoas a vivir dignamente. A proposta consta dos seguintes puntos:

- A creación dun grupo de traballo , que mesmamente pode ser o conformado pola comisión de asuntos sociais onde xa estan representados todos os grupos políticos,  a oficina de servizos  sociais do concello, e sumando a colectivos que traballen na axuda a persoas, que asuma a xestión dos fondos orzamentados para axuda social, e traballen nun plan que teña como obxectivo non solo axudar as familias deste concello que están atravesando un momento critico, se non tamén establecer ferramentas que permitan axudar a esas familias e persoas a levar unha vida digna e lonxe da caridade a pesares da súa situación.

- A creación dunha bolsa de axuda económica ós estudos para  persoas con poucos recursos, regulada e adxudicada baixo uns criterios claros, de xeito que calquera veciño de Ribadumia, sexa cal sexa a súa situación económica, teña garantida a posibilidade de realizar o curso escolar, pagar matriculas e taxas universitarias, e facer fronte a compra do material esixido para poder sacar adiante o curso escolar.

 Para poder axudar a superar a situación na que estamos inmersos, será preciso tamén realizar unha serie de políticas que axuden na loita contra o paro. Para iso propoñemos, asumindo acondición de que o noso concello esta na súa maior parte  formado por terreo agrícola, o seguinte:

- A creación e equipamento dun grupo de traballo local, con expertos en asuntos do campo e incluíndo a sectores agrarios e sindicatos, coa misión de proporcionar impulso, a través da formación, da información e do   apoio institucional, as diferentes saídas profesionais que poida proporcionar o noso agro,  poñendo especial fincapé no impulso e apoio  da creación de entidades cooperativas, que permitan coa solidariedade laboral e unha correcta organización empresarial, a realización de proxectos cooperativistas de explotación ou servizos agrícolas.

  En Anova non esquecemos que na Grenla temos un polígono agora mesmo moi mermado pola situación de crise, que afectou enormemente as empresas relacionadas coa construción. Por iso propoñemos que:

- nos orzamentos se reflexe o traballo que se debe realizar para recuperar os terreos que non se están utilizando, moi necesarios como primeiro paso para que as empresas poidan acceder a chan industrial no noso concello.

- A creación dun consorcio empresarial local, que reúna a concello, con todos os grupos políticos representados, os sindicatos e as empresas que existen no noso concello, e impulse políticas e accións comúns, que poidan favorecer a recuperación económica e a mellora polo tanto das cifras de contratación. E tamén impulsar dende ese consorcio a atracción o noso concello de empresas de novos sectores. En resumo, contribuír dende este concello a reconstrución do tecido empresarial, case desaparecido da nosa comarca.

- Unha partida especifica que sirva para  apoiar as novas empresas no seu asentamento no noso concello e as pemes existentes a levar a mala situación económica actual. Dentro disto, unha partida especial para o apoio, mais forte se cabe,  a xovenes empresarios que queiran iniciar a súa aventura empresarial no noso concello. Revisar os mecanismos para a creación e apertura de novos pequenos negocios, axilizando os tramites das licencias e promovendo a súa apertura con descontos nas licencias ou execcións temporais dalgúns impostos, como o lixo ou a auga. Que estas axudas ou exencións  sexan extensivas a pemes do concello que manteñan ou creen emprego e a aquelas que demostren unha importante baixada de ingresos e polo tanto precisen de certo apoio institucional.

   Somos conscientes de que para poder realizar estes proxectos, vai ser necesario facer un exercicio de responsabilidade no resto de partidas de gastos, pero parécenos que estamos no momento de deixar de lado asuntos menores, e centrarnos no realmente importante. Por iso propoñemos seguinte:

- A eliminación do convenio coa empresa que leva o mantemento do alumeado, que se dispara dos 20.000€ ata mais de 25.000€, realizando unhas labouras que poden perfectamente realizar o persoal municipal.

- Un control exaustivo do gasto eléctrico, para o que este ano hai previstos case 100.000€ mais que o ano pasado, a barbaridade de 279.695€, tomando as medidas necesarias para reducir a descomunal factura.


- Actuar con mais responsabilidade con certas partidas, creando antes dos orzamentos uns plans de traballo e inversión para o ano económico, en areas como xardinería ou obras menores, e tamén un plan de mantemento das instalacións municipais, dotando das cantidades precisas pero controladamente a través dun orzamento clarificado, evitando no posible os gastos superfluos e incontrolados, culpables do enorme descontrol dos gastos correntes.

- Recuperar outros servizos públicos, como a gardería municipal, a asistencia  ou o lixo, para que o concello reciba  os ingresos por beneficios  que agora se levan empresas privadas ou a Deputación de Pontevedra, podendo ademais mellorar o servizo e ofrecer mellores descontos a usuarios.


Somos conscientes de que en conxunto é unha proposta moi completa, e de que o PP de Ribadumia, que vive nunha situación de simple inercia política, deixándose levar de ano a ano sen aportar nada, lle pode resultar complicado pensar en incluír todas estas propostas nos orzamentos deste 2014, pero o noso ánimo, como sempre, é  o de falar delas e buscar acordos que posibiliten cambiar pouco a pouco a situación do nosos concello. 

Orzamentos 2014. I: unha ollada atras

Na elaboración duns orzamentos anuais, compre ter un plan previo de inversións, e planificar a que cuestións se lle queren dedicar recursos, cales son secundarios ou cales son inasumibles. Tamén compre votar un ollo atrás e ver que erros de planificación se cometeron en anos pasados, para axustar as partidas orzamentarias a realidade. Ollando as diferenzas entre os orzamentos e as contas de anos anteriores, podemos comprobar, vendo as cantidades que quedaron sen gastar dentro das súas respectivas partidas, como o equipo de goberno do concello de Ribadumia non se preocupou de ningunha destas premisas.
    
En tres anos quedaron sen gastar dentro desta partida case 51.200€,  un total que esta moi por riba do total orzamentado
 para esta partida no 2013 que foi  de 36.900€


Así nos encontramos con que as partidas para a administración xeral de servizos sociais, se reduciron dos 100.750€ do ano 2010 os 68.650€ do ano 2012, pero sen embargo, nestres tres anos quedaron sen gastar un total de 51.190€ que se moveron para outras partidas ou, peor, quedaron sen gastar. 

   O mesmo ocorre con Acción Social, onde se orzamentaron un total de 616.348,54€ en tres anos, pero dos que 76.691,98€ quedaron sen gastar. Que as cantidades orzamentadas a acción social non se gasten na súa totalidade solo pode significar unha total falta de ideas e planificación neste eido, un eido que a nos nos parece dunha importancia capital, e que non pode orzamentarse nin gastarse sen unha correcta planificación.

 
                                      Non solo o orzamento para promoción do emprego
                             caeu en picado, se non que ademais nin siquera
                           se gastan onde deberia, en tres anos, case 104.000 € 
                         orzamentados non se gastaron na promoción do emprego
                        Para o 2014 solo esta previsto manter o técnico de emprego,  
                         e uns cursiños.
Especialmente grave nos parece a cuestión da evolución das partidas para promoción do emprego, que caeron  dos 145.344,82€ no 2010, dos que 85.075,14 quedaron sen gastar, os 57.500€ do 2012, dos que tampouco se gastaron 13.104,31. 
Que sometidos a unha crise brutal o concello recorte brutalmente as partidas para a promoción do emprego ata deixalas nos 49.000€ previstos no 2013    para pagar o orientador laboral, tampouco é admisible.

  Os desaxustes e falta de previsión quedan refrexados en moitas outras partidas, como nas adicadas a educación, onde no 2010 se orzamentaron 33.691,29€ quedando mais de 5000€ por debaixo do finalmente gastado, e nos dous anos posteriores pola contra se orzamentron en total 153098,55€ pero quedaron sen gastar 27.031,35€, unha cantidade nada desdeñable.

   Na administración xeral de cultura a mesma tónica, somentes ollando o dato do 2012, xa nos encontramos con que dos 84.000€ orzamentados, quedaron sen gastar case 25.000€. En tres anos (2010-2012), solo nesta partida,case 147.000€  que non se gastaron onde corresponderia. Isto é o que o PP chama boa xestión????? 



A administración xeral do concello orzamento en total sumando os anos 2010(741.846,91€), 2011(712.223,39€) e 2012(617.172,14€)  2.071.242,44€, dos cales 256.997.89€ non se gastaron dentro desta partida. 



Case 257.000€  en tres anos que se podían ter dedicado políticas activas de creación de emprego, a programas de acción social diverso, pero que nembargantes se perderon nos gastos correntes, autentica sangría económica neste concello.





   Estes simples exemplo explican que a  realidade do concello de Ribadumia é que os orzamentos se fan sen ningún tipo de planificación para ningún dos apartados, o cal fai que o final en lugar duns orzamentos ben organizados e cun plan de actuacións para o beneficio dos nosos veciños,  teñamos sinxelamente unha previsión de pago de facturas, co conseguinte baile de cifras posterior, con cantidades que se van de un lado para o outro sen control algún. Pero ademais, o uso dos fondos orzamentados para a acción social ou a loita contra o paro, non buscou nin contribuíu en anos anteriores a resolver a situación de todas as familias que mes a mes se ven abocadas a facer uso dos servizos sociais do concello. 

SOLO NO ANO 2012, QUEDARON SEN GASTAR DAS SÚAS RESPECTIVAS PARTIDAS MAIS DE 521.000€, A CUARTA PARTE DE TODO O ORZAMENTO. UNHA BARBARIDADE INASUMIBLE.


Vistos os plantexamento orzamentario deste ano, non parece que haxa nada difernte con respecto a anos anteriores, ademais dunha clara aposta polo gasto de fondos en obras de propaganda, como esa nova biblioteca, a segunda xa neste concello, que se ve dende lonxe que somentes busca ter algo que inaugurar antes das próximas eleccións municipais. Unha moi mala maneira de tapar as vergoñas políticas e  a mala xestión, que nos levara a ter mais infraestructuras que manter entre todos, en detrimento doutras existentes, neste caso a casa de cultura de Ribadumia . 

15 feb 2014

ANOVA PREGÚNTASE SE LOUZÁN QUERE CONSTRUIR UN NOVO “MONTE GAIAS” NA SÚA PARROQUIA NATAL.

Critica o gasto desmesurado das obras que se están a acometer en Ribadumia, a parte de consideralas totalmente innecesarias.
Logo de coñecer a través da prensa que a Deputación de Pontevedra acaba de licitar por
Vista areea do que parece o "Gaias de Louzan"
894.443 Euros unhas obras destinadas “ao acondicionamento do entorno do novo campo de futbol en Ribadumia e a súa “integración no entorno da Pousada¿?”, dende Anova solo podemos mostrar o noso estupor por como se están a facer unha serie de investimentos na parroquia natal, que non no concello,  do presidente da Deputación, o Sr. Louzán, en proxectos que agrupados levan camiño de superar os 5 millóns de euros e que nos levan a sospeitar que se agora Feijoo acordou poñer punto final ao macro-proxecto Fraga da cidade da cultura no monte Gaias,  Louzán parece estar facendo o seu particular Monte Gaias en Ribadumia.

   Revisando o proxecto de adxudicación pódese comprobar que nestes 850.000 euros se inclúen o tema de gradarías, accesos e instalacións varias, pero  precisamente a construción propiamente dita do novo campo de fútbol de céspede artificial non se licita. Isto fainos supor que o propio campo en sí quedará para outra licitación posterior co seu conseguinte desembolso monetario. Se a isto sumamos o que pagou o Concello para a compra do terreo (420.000 €), teremos que o custo do novo campo de fútbol , que se quedara so nun campo de futbol 7, elevarase a practicamente dous millóns de euros, cifra record por desmesurada neste tipo de instalacións.

   Dende Anova queremos facer fincapé, non solo na non necesidade de acometer estas
Plano da obra licitada, que curiosamente
 non inclue o campo propiamente dito.
obras, se non tamén nos custos de mantemento de toda esta instalación deportiva, anexos e “integracións” incluidas, que van ter que pagar todos os veciños de Ribadumia, e que a non moi longo prazo desembocaran ou ben na ruína municipal ou ben nunha desmesurada suba de impostos.

   E triste comprobar como a día de hoxe algunhas instalacións deportivas ou culturais xa existentes mostran síntomas de abandono e falta de mantemento, con goteiras e outros defectos, mentres o PP local mira para outro lado e aposta por mega-proxectos.


   Pero, como diría un famoso debuxo animado, “non se vaian todavía, aínda hai mais”: a todo este gasto hai que sumarlle a previsión de investir máis de un millón de euros para dotar a este novo campo doutro acceso polo norte …  E hai que sumar os 200.000 euros aportados por deputación e concello para a reparación da Igrexa de Ribadumia, aledaña as instalacións anteriores, e cuxo maior logro será un novo chan de madeira e unha iluminación exterior sen igual, e  finalmente a obra central, a Pousada –de acceso privado- de Ribadumia, con mais de 2.100.000 euros de orzamento de fondos públicos, aos que haberá que sumar o importe do equipamento mobiliario da mesma, que tamén pagará a Deputación, ademais según o acordo de adxudicación, a  desexo do adxudicatario da xestión privada (custo estimado en outros 2.000.000 € para as 4 pousadas..).

Total: Mais de 5 millóns de euros, máis de 830 millóns de pesetas, gastados nunha serie de investimentos para un  megaproxecto millonario, que na súa maior parte non ten  ningunha utilidade practica ou que supoña unha mellora na vida dos nosos veciños, e que solo vai servir para facer fotos para librillos de propaganda electoral do PP.  Para máis escarnio, tanto a Pousada como o propio campo de fútbol non serán de libre acceso, a Pousada por ser unha entidade privada, e o segundo por que, por moito que sexa unha instalación municipal o servizo de todos os veciños, vai ser acaparado por un equipo de fútbol, tamén entidade privada,  como xa ocorre co campo existente, e polo tanto non as poderemos desfrutar todos.

Polo visto   á  igrexa si que poderemos acudir todos a pisar a madeira, baixar os xeonllos e rezar pola solución divina dos nosos problemas, visto que do PP, que nos vendeu a salvación,  solo recibimos recortes, impostos, paro e perda de dereitos fundamentais.


7 feb 2014

ANOVA CRITICA O INVESTIMENTO DE DEPUTACIÓN DE PONTEVEDRA E CONCELLO NA IGREXA DE RIBADUMIA

Critican o despilfarro de cartos cando existen outras necesidades, que non se coñeza
ningún tipo de contraprestación e que a igrexa non aporte nada.


ANOVA pregúntalle ao PP  se para eles é máis importante a misa dominical que a educación ou o deporte; e se agora asistiremos a “moda” de poñer piso de madeira nas igrexas por parte da Deputación Provincial de Pontevedra.


O Concelleiro de Ribadumia e membro da Agrupación local de ANOVA, Enrique Oubiña, ven de presentar un escrito no Concello cunha serie de consideracións en relación as obras que se están a levar a cabo no entorno e na Igrexa Parroquial Santa Baia de Ribadumia .

Segundo informacións as que tivo acceso ANOVA e tamén publicadas en diversos medios de comunicación. As obras consistentes no acondicionamento e iluminación especial do entorno da casa do cura e da Igrexa, na limpeza da fachada da mesma, no cambio da instalación eléctrica e na dotación do piso de madeira, teñen un coste aproximado de 200.000 Euros e están financiadas íntegramente pola Deputación Provincial de Pontevedra e o Concello de Ribadumia, a través dun convenio polo cal o Concello aporta 15.000 € e a Deputación o resto. A propia alcaldesa confirmaba estes datos en declaracións a prensa, ademáis de engadir que a obra xustificábase “polas condicións de frío e humidade da Igrexa”.



   Enrique Oubiña non pode deixar de criticar no seu escrito, tanto o DESPILFARRO que supón esta obra, especialmente o apartado referente a dotación de chan de madeira e a iluminación do exterior, totalmente innecesaria, como tamén as formas, ocultando información e sen que se coñeza ningún tipo de contraprestación para o propio Concello. Finalmente, realizanse unha seria de interpelacións ao PP para que tenten “defender” este investimento. 


                                                                                                                                                                                                                                                                       

En calquera caso, dende o grupo local de Anova opoñemonos a este gasto por varios motivos:

1º DESPILFARRO:

Rexeitamos dun xeito rotundo este xeito de despilfarrar fondos públicos:  xusto neste momento no que se fala de “axustes”,  de priorizar investimentos en quen mais os precisa, cando se fala de recortes, de copago de medicamentos, de reducción de becas, de reducir as pensións de xubilación,… cando hai persoas sen ningún tipo de recurso, tendo que recurrir a caridade, resulta que o Concello e a Deputación teñen cartos de sobra para poñer pisos de madeira en Igrexas??.

Máis rechazo nos produce que este investimento se faga sen que a propiedade, a igrexa poña un euro.  Lembramos perfectamente  que non fai moito o Concello tivo que “compensarlle” a igrexa a cesión dos terreos para o Tanatorio municipal, tendo que “outorgarlle”  máis terreo e mellor situado, no Centro de Barrantes e de tipo urbanizable.


2º O PP DE RIBADUMIA PRIORIZA A RELIXIÓN SOBRE A EDUCACIÓN OU O DEPORTE:

Parecenos increíble que no último pleno o equipo de goberno rexeitara unha moción que pedia solucións para o estado do campo de fútbol de Barrantes, unha instalación que si é propiedade municipal, que utiliza tanto o Colexio como varios categorías de futbol base, negándose incluso a xestionar algún tipo de convenio para o cambio do tapiz de cespede, para que  logo resulte que si hai cartos para este tipo de inversión en Igrexas.  Polo visto para o PP de Ribadumia antes que a Educación ou o fomento do Deporte está a Misa dominical….

3º DESCOÑECENSE SE EXISTE ALGÚN TIPO DE CONTRAPRESTACIÓN PARA O CONCELLO POLO FINANCIAMENTO INTEGRAMENTE PÚBLICO DA OBRA:

A parte dos beneficios “espirituais” que se poden derivar do financiamento da obra “polo que algún  xa teñen gañado o ceo….”, descoñecese se existe algún tipo de contraprestaciónde carácter  “máis material” para os propios veciños ou para a administración a cambio do financiamento total das obras


Finalmente o Concelleiro Enrique Oubiña solicita que se lle entregue copia de diversa documentación e realiza diversas preguntas ao PP local para que tenten “xustificar” os beneficios sociais do investimento:

Así pregunta: cantos postos de traballo estables vai proporcionar a reparación da Igrexa??. Cantas familias, en situación de dificultades socio-económicas verán mellorada a súa situación co novo chan de madeira? Quen se vai facer cargo da factura da luz do novo alumeado colocado no conxunto do Igrexario de Santa Baia? ou Como cree o PP que vai axudar en xeral a mellora da vida dos habitantes do noso concello a reparación da Igrexa ou a construción do novo campo de herba artificial en A Senra?

A parte tamén se interesa por saber se Existen outras solicitudes similares para o resto de igrexas do Concello, e  cal vai a ser a resposta se agora os feligreses doutras parroquias consideran que o chan de pedra das súas igrexas tamén e moi irregular e húmido,  ou se Considera o PP local que tras a moda dos céspedes artificiais imos asistir a moda dos chans de madeira en Igrexas.

Quizais poida parecer que hai certo ton irónico na presentación das cuestións, pero en realidade o que supoñen é a critica ao despilfarro sen control e a non saber ou non querer entender que a administración e de todos e que hai que atender as necesidades das maiorías sociais e non aos caprichos do gobernante de turno. 


A evidencia desto é o que pasa no Concello de Ribadumia, con máis de 500 parados e con moitas familias pasando necesidades mentres a Deputación Provincial de Pontevedra está a investir na parroquia natal do Presidente, Rafael Louzán, mais de 3,5 millóns de euros, posiblemente o doble o remate de todas estas obras,  en facer unha Pousada Rural, de xestión privada, un campo de futbol de cespede artifical, pegado a outro de cespede natural xa existente, os dous para uso exclusivo dun equipo de futbol e agora en dotar a igrexa parroquial de piso de tarima……   

Se alguén pensa que esto é unha adecuada priorización do investimento e reparto equitativo dos cartos que baixe Dios e o vexa….

5 feb 2014

Nova sección na web de Anova Ribadumia. Compartindo con vos e facendovos participes do noso traballo político.

 
En Anova entendemos que a acción política e a participación na toma de decisións políticas non é algo reservado a ningunha caste superior, e que por iso o traballo dos grupos políticos debe ser compartido coa cidadania, a que tamen se lle debe facilitar a participación activa na vida política do noso país. Por iso, dende o grupo de Acción Institucional, se puxo en marcha a edición duns boletíns de caracter informativo onde calquera cidadan poda informarse da nosa laboura diaria no parlamento, dun xeito resumido e accesible. 

En Anova Ribadumia, para facilitarvos o acceso a esa información creamos unha nova pestana na nosa web , onde poidades consultar todos eses boletíns, conforme vaian saindo, ordeados según as datas de publicación.

Para acceder somentes tedes que premer na pestana de Acción Institucional.


E, por suposto, tamen tedes toda a información sobre o traballo diario do noso partido, moito mais detallada na web de Anova

3 feb 2014

Anova aproba o seu programa para Europa con amplo consenso

Anova aproba o seu programa para Europa cun amplo consenso.
Durante a sesión de traballo de hoxe, ao documento base incorporáronse catorce achegas propostas nas asembleas de base por militantes de Anova. Este documento recibiu para a súa aprobación 188 votos a favor, 7 en contra e 15 abstencións.

O proceso de debate sobre as cuestións programáticas para Europa comezou cun debate en asembleas territoriais, nas que se incorporaron medio cento de achegas. Sobre ese documento, abriuse un novo período de emendas, que culminou na conferencia do 2 de febreiro e que rematará coa ratificación do programa por parte da militancia en referendo, ao tempo que se someterá a referendo o xeito de concorrencia ao vindeiro proceso electoral de maio. A celebración deste referendo terá lugar en data a fixar pola próxima Coordinadora Nacional e a non máis tardar de fins de febreiro ou primeiros de marzo.
Na súa intevención, o portavoz nacional, Xosé Manuel Beiras, que recibiu como agasallo unha vara de aguillón feita de toxo de mans dun veterano militante, e da que fixo entrega á Mesa da Conferencia como expresión, segundo dixo, da súa concepción da colexialidade dos órganos e dos liderados compartidos, tamén fixo un chamado ao traballo activo da militancia de Anova na sociedade na defensa do 99% que conforma a maioría social e do interese do pobo galego e unha exhortación ao exercicio dos valores republicanos da liberdade, igualdade e fraternidade.
Xosé Manuel Beiras fixo especial fincapé na necesidade da posta en valor da rebeldía cidadá e da necesaria acumulación de forzas da maioría social para defrontar aos poderes oligárquicos que ocupan as institucións, e así devolver o seu valor democrático orixinario ás mesmas. Para esta rebeldía, Xosé Manuel Beiras fixo un chamado á necesaria disciplina para facer fronte a estos poderes que abafan ao 99% da poboación.
"A proposta de Anova é que as eleccións europeas sirvan como proceso de acumulación de forzas da rebelión cívica". Anova, segundo explicou Beiras, basa a proposta de fronte ampla para as europeas en tres peares fundamentais: Galiza como pobo soberano, estratexia de ruptura coa oligarquía que ocupa as institucións políticas e protagonismo da cidadanía activa: "o motor do proceso de transformación social debe estar na cidadanía".
   O bo transcurso da conferencia foi garantido pola militancia que colaborou voluntariamente na loxística do reconto, mesa de acreditacións e gardería.